Cənubi Avstraliya Universitetinin mütəxəssisləri müxtəlif müəssisə və şirkətlərin işçilərinin sağlamlıqlarını pozan vərdişlərlə əlaqəli araşdırmanın nəticəsini dərc ediblər. Nəticələr Avstraliyanın 40 universitetindən 2200-dən çox alim və mütəxəssis arasında aparılan sorğuya əsaslanıb.
Unisa.edu.au nəşrindəki materialda qeyd edildiyi kimi, bir çox insanlar nəinki həftə içi, axşamlar, hətta həftə sonları və tətildə olarkən işdən ayrıla bilmirlər. Onlar təkrar-təkrar iş problemlərinə qayıdırlar və nəticədə sağlamlıqlarını təhlükəyə atırlar .
Məlum olduğu kimi, sorğuda iştirak edənlərin 26%-i boş vaxtlarında işlə bağlı mesajlara, zənglərə və ya e-poçtlara müntəzəm cavab verir. Eyni zamanda, respondentlərin 57%-i boş vaxtlarında həmkarlarına işlə bağlı mesajlar göndərdiklərini etiraf ediblər.
Eyni zamanda məlum oldu ki, koronavirus pandemiyası zamanı çoxları online işlədiyi üçün, bu vəziyyət daha da pisləşib. Online işin və boş vaxtın sərhədləri tamamilə yox olması və insanların demək olar ki, 24 saat işləmək üçün zəncirləndiyi ortaya çıxıb.
Nəticədə, asudə vaxtlarında xidməti vəzifələri ilə məşğul olan işçilərdə daha yüksək psixoloji gərginlik, emosional tükənmə, depressiya halları müşahidə olunub.
