Maqnezium orqanizm üçün çox vacibdir, yəni:
• nəbzi normallaşdırır, qan damarlarını genişləndirir, qan təzyiqini aşağı salır, qanda oksigen və şəkərin səviyyəsini tənzimləyir;
• maqnezium qanda laxtalanma riskini azaldır;
• maqnezium stress əleyhinə təsirə malikdir, yuxunuzu normallaşdırır, yorğunluğu və əsəbiliyi azaldır;
• bu mikroelement əzələ spazmlarını aradan qaldırır və xüsusilə də yaşanan stressdən sonra bədəni rahatlaşdırır;
• həzm sisteminin fəaliyyətini yaxşılaşdırır;
• tənəffüs proseslərində iştirak edir;
• maqnezium olmadan sümüklərin və dişlərin tam formalaşması mümkün deyil;
• maqnezium hamiləliyin düzgün gedişatına kömək edir.
Bundan əlavə, bədəndə maqnezium olmadan B vitamin qrupları, kalsiumun, C vitamininin, fosforun, kaliumun və natriumun tam qəbul edilməsi mümkün deyil.
Maqnezium səviyyəsinin aşağı düşməsinə səbəb nədir və maqnezium çatışmazlığının əlamətləri hansılardır?
Maqneziumun gündəlik qəbulu gündə 400-500 mq təşkil edir. Bu göstərici maqneziumlu qidaların olmaması, ağır fiziki güc, ağır stress və alkoqoldan istifadə səbəbindən düşə bilər. Maqneziumun qəbulu çox yağlı qidalar, qəhvə, spirt və antibiotiklərindən istifadə zamanı azalır.
Bədəndə maqnezium çatışmazlığı necə özünü göstərir?
İlk növbədə narahatedici əlamətlər daimi yorğunluq və əhval-ruhiyyənin dəyişməsi, başgicəllənmə və zəif koordinasiya, iştahsızlıq, ürəkbulanma və qusma, qəbizlik, baş ağrısı, əzələ spazmı və qolların və ayaqların uyuşması, saç tökülməsi və kövrək dırnaqlar və s.
Gördüyünüz kimi, maqnezium çatışmazlığı bütün bədən sistemlərinə təsir göstərir və daim xroniki xəstəliklərə səbəb olur.
Bədəndə maqnezium çatışmazlığının qarşısını almağın ən bariz yolu düzgün qidalanmadır. Əlbəttə ki, stress və çox qəhvə içmək bu qaydanı pozur.
Beləliklə, hansı qidalarda maqnezium var?
İlk növbədə bunlar dənli və paxlalı bitkilərdir. Məhz onlardan gündəlik maqnezium qəbulunun yarısı bədənə daxil olmalıdır. Maqnezium tərəvəzlərdə, avokadoda, giləmeyvələrdə (moruq, böyürtkən, çiyələk), bananda, limonda, qreypfrutda, almada, quru ərikdə, küncütdə və buğdada olur . Süd məhsulları, qoz-fındıq, günəbaxan tumu, jelatin, soya və qarabaşaqda maqneziumla zəngindir. Balıq tam bir maqnezium mənbəyidir.
Yuxarıda sadalanan simptomlar sizdə varsa, dərhal həkimə müraciət edin və maqnezium analizi verin.
