Amerikalı elm adamları, hətta güclü bakteriyaları da məğlub edən unikal, yeni nəsil dərmana çevrilə bilən bir birləşmə kəşf etdilər. Araşdırmanın nəticələri Cell jurnalında dərc olunub.
Son otuz il ərzində bazarda qram-mənfi bakteriyalarını öldürə biləcək yeni bir dərman ortaya çıxmayıb. Qram-pozitiv bakteriyalardan əsas fərq qram-mənfi bakteriyaların əksər antibiotiklərdən qoruyan xarici bir təbəqə ilə qorunmasıdır.
Princeton Universitetinin alimləri ikiqat təsirə malik olan SCH -79797 birləşməsini kəşf ediblər – eyni zamanda bakteriyaların divarlarını deşə və hüceyrələrindəki folik turşusunu məhv edə biliblər. Bakteriyalar bu dərmana qarşı müqaviməti inkişaf etdirə bilmir.
Tədqiqat rəhbəri professor Zemer Gitai, SCH -79797 -ni “zəhər oxu” ilə müqayisə edib – iki silahın birləşməsi – zəhər və bıçaq. Eyni anda içəridən və xaricdən hücum edən silahlar, hətta ən güclü rəqibləri də məhv edə bilər – geniş yayılmış E. Coli Escherichia coli -dən tutmuş bütün məlum antibiotiklərə davamlı olan güclü stafilokok və gonokoklara qədər.
“ Ümid edirik ki, gələcəkdə bu, yeni növ antibiotiklərin ortaya çıxmasına səbəb olacaq”,-universitetin mətbuat açıqlamasında deyilib . Antibiotiklərin əsas problemi bakteriyaların onlara qarşı müqavimətini tez inkişaf etdirməsidir. Müəlliflər yeni birləşməyə qarşı müqavimət inkişafını müşahidə etmədiklərini qeyd ediblər.
